::نه‌ورۆز::

http://awenakurd.loxblog.com/ always

صنایع آلومنیوم
پیش بینی

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

Home E-mail Archive Posts Profile

نه‌ورۆز

نه‌ورۆز

هێمن.نه‌ورۆز به‌ به‌رگی سه‌وزه‌ ڕازاوه‌ قه‌د و لاپاڵ و شیو و دۆڵ چڕۆی ده‌رکرده‌وه‌ دار و، ملی دا یه‌کتری گیا و گوڵ به‌سه‌ر به‌فری که‌وی داکرد شه‌ماڵی خاکه‌لێوه،‌ خۆڵ ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌ به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

به‌ به‌رگی سه‌وزه‌ ڕازاوه‌ قه‌د و لاپاڵ و شیو و دۆڵ

چڕۆی ده‌رکرده‌وه‌ دار و، ملی دا یه‌کتری گیا و گوڵ

به‌سه‌ر به‌فری که‌وی داکرد شه‌ماڵی خاکه‌لێوه،‌ خۆڵ

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

چله‌ی زستانی ناخۆش بوو، ته‌زووی سه‌رمایه‌ پیاوی سڕ

ده‌کرد و، کوچه‌ و کۆڵان له‌ به‌فر و لیته‌ بووبوون پڕ

به‌هار هات و ده‌خه‌مڵێ کێو و ده‌شت و به‌نده‌ن و لاخڕ

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

به‌ سۆزی بای به‌یان لێوی کراوه‌ خونچه‌یی خه‌ندان

له‌سه‌ر چڵ بولبولی شه‌یدا له‌ خۆشی گوڵ ده‌ڵێ به‌ندان

به‌جێ هات ئاره‌زووی لاوان و گه‌رمه‌ کۆڕی گۆڤه‌ندان

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

له‌خۆی داوه‌ به‌ره‌ڵبێنه‌ کچی کابانی گه‌ردن کێل

به‌ ناز و غه‌مزه‌ ده‌ڕوانێ، ده‌کا شینکه‌ی نه‌رم پێشێل

له‌گه‌ڵ بۆنی وه‌نه‌وشه‌ تێکه‌ڵاون بۆنی عه‌تر و هێل

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

سه‌ری کوێستانی به‌رزی کورده‌واری تێی نه‌که‌وتوون خاڵ

له‌ ده‌شت و به‌ر په‌ساران هه‌ڵدراون چادر و ڕه‌شماڵ

نه‌مان بێگانه‌ تاکو جێژنه‌مان لێ تاڵ بکه‌ن ئه‌و ساڵ

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

حه‌ساوه‌ پیاوی ڕووت و قووت و بێ ئه‌نوا و بێ ئێروو

ژیاوه‌ گیانله‌به‌ر دیسان، له‌ کون هاته‌ ده‌رێ مێروو

له‌سه‌ر گوێسوانه‌ ده‌خوێنن به‌ پۆل پاساری و سێرۆ

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

له‌ دنیادا که‌مه‌ هاوتای به‌هاری جوانی کوردستان

ئه‌ویش ئه‌و ساڵ که‌ لایێکی نه‌جاتی بوو له‌ ژێر ده‌ستان

له‌ خۆشی ئه‌و وڵاته‌ شاعیریش بۆته‌ هه‌زار ده‌ستان

ڕه‌فیقان ڕۆژی کوردانه‌، به‌هاره‌، جێژنی نه‌ورۆزه‌

به‌ دڵ لێتان ده‌که‌م له‌و ڕۆژه‌دا من جێژنه‌ پیرۆزه‌

مامۆستا هێمن

Writing at: 25 / 12 / 1391برچسب:نه‌ورۆز,شێعر کوردی,هێمن,

Time: By: محمد پیش بینی| |

نەورۆز لە شیعری شاعرانی کورد

پیرەمێرد‌:

ئەم ڕۆژی ساڵی تازەیە نەورۆزە ھاتەوە

جەژنێکی کۆنی کوردە بە خۆشی و بە ھاتەوە

مەولەوی:

نیشانەی نەورۆز وادەی وەھارەن

یا نەشئەی ئامای نامەی نیگارەن

ھەژار:

مزگێنی دا بە ‌سروە بای بەھاری

وا ھاتەوە نەورۆزی کوردەواری

ئاوات: (سەید کامیل ئیمامی )

ھەی ھەی چ بەھارێکە وەک جەننەتی مەئوایە

وەک بولبولی زار عاشق ئاو بردەیی سەحرایە

گۆران:

ئەی نەتەوەی کاوەی زنجیر قەف قەف بڕ

رۆژی نەورۆز دای بە ‌ھەوری زستان دڕ

نالی:

تەشریفی نەوبەھارە کە عالەم دەکا نوێ

دڵ چونکە میسلی خونچەیە بۆیە دەپشکوێ

نەورۆز لە شیعری شاعرانی کورد

نه‌وروزتان پیـــــرۆز

Writing at: 15 / 12 / 1391برچسب:نەورۆز لە شیعری شاعرانی کورد,,

Time: By: محمد پیش بینی| |

هـــــه‌ی شه‌می شــه‌وان

هـــــه‌ی شه‌می شــه‌وان
هـه‌ى شه‌مى به‌شه‌وق چل چراى شه‌وان
هـــه‌ى ژیـانى مـن هـه‌ى ڕۆحـى ڕه‌وان
هـه‌ى گـلـێـنه که‌‌ى دیـده‌ى بــێ خـه‌وان
هـه‌ى ئاسکى سه‌رکه‌ل له‌سێبه‌ر سڵ که‌ر
هـه‌ى هه‌واى خۆشى کوێستانان له‌سه‌ر
هـه‌ى عــه‌نبه‌رین خـاڵ سۆسه‌نى کڵاف
هـه‌ى ڕونـاکــایى ڕه‌شــماڵانى جــاف
هـه‌ى من په‌روانه‌ى په‌ڕ سوتاوى تۆ
هـه‌ى من گیرۆده‌ى زوڵفى خاوى تۆ
تـۆ جارێ نایه‌ى بۆ سه‌ر وه‌ختى من
گوێ ناده‌ى به‌ ئاهـ زامى سه‌ختى من
نـاپرسـیت ئاخــۆ مـن بـۆتـۆ چـۆنـم
بێ باکى لـه‌تــین قرچــه‌ى ده‌رونـــم
هــه‌واى کوێـســتــانـت وابــۆ بــوه‌وه‌
حــه‌یفـــت کرد منت له‌بـیـر چــووه‌وه‌
بێ مروه‌تیت کرد هه‌ى شه‌م ده‌رباره‌م
مــن بــۆ تــۆ قــه‌یــسى سـیا سـتاره‌م
واده‌ى مــن و تــۆ دیـــوانى خــوابـێ
مــه‌گه‌ر ئـــــه‌و ڕۆژه‌ دادم ڕه‌وا بـێ
شه‌مى شه‌م ڕوومه‌ت تۆ به‌سه‌لامه‌ت
ســـکاڵاى دڵـــم کـــه‌وتـه‌ قــیــامه‌ت

وه‌لـــی دێـــوانـــه‌

Writing at: 15 / 12 / 1391برچسب: هـــــه‌ی شه‌می شــه‌وان,وه‌لـــی دێـــوانـــه‌,شێعر کوردی,,

Time: By: محمد پیش بینی| |

دڵى وام ناوێ

دڵێكى وام ئـــــەمـــن نـــــــاوێ بە نــــــاڵەى بێدڵان نەگرى

وەكو شەونم لەسەر خونچەى گوڵان و بولبولان نەگرى

وەكــــــــو بولبول نـــەبێتــــە عاشقى گــوڵ، دڵ بەكــــار نایە

ئـــــــــــەگەر شێتانە سبحەینان نەچێتە سەر چڵان نەگـــرى

لـە بەهرەو شەوق و زەوق و خێرو خۆشى دورەماڵ كاول

دڵـــى وا بێ ئەویــــن جــــــارێك بەحــــاڵى عــــاشقان نەگــرى

شــــەوێ تـــــا ڕۆژ دەنــــاڵێنن لــــەگەڵ تــەیرى شەوا جوتـــن

دڵــى وام بــــــۆ چیە بــــۆ وان شەوێ تـــــا بـــەربەیــان نەگرى

شەوانـــە مـــەل دەخـــوێنن بــــۆ ئـــــەوانـــــەى دڵ بریندارن

دڵـــــم نــــــاوێ بـــە دەنگى پڕ لــــەسۆزى وان شەوان نەگرى

بـــە هات و چوونى شێت و پێتى دڵ با پێكەنین گەر، شەو

بــــە ئـــــامـــــۆژگــــارى زانــــایــــانى پیرو عـــاقــــڵان نــــەگـــرى

لــــــە مـــــاڵێ قــەت شەوانـــە ئۆقرە ناگرێ ناسرەوێ تــــاوێ

"ئیمامى" تــــا سبـەینێ زوو نـــەچــێتە نێو گـــوڵان نـــەگـــرى

دڵى وام ناوێ

Writing at: 4 / 12 / 1391برچسب: سه‌ید کامیڵی ئیمامی زه‌مبیلی,شێعر کوردی, دڵى وام ناوێ,

Time: By: محمد پیش بینی| |

عادەتى ئەم چەرخە وایە، ئەهلى دڵ غەمگین ئەکا

عادەتى ئەم چەرخە وایە، ئەهلى دڵ غەمگین ئەکا

شا هەمیشە ماتە، پیادە مەیلى جێى فەرزین ئەکا.

ئەبلە وا دایم لە عەیش و شادمانى و عیززەتا

ئەهلى عیرفان و کەمال ئێستاکە زارى و شین ئەکا

دوژمنە چەرخى فەلەک، بۆ پیاوى ساحێب عەقڵ و هۆش

ڕووى کەرەم دایم لە هەرزەو شێت و بێ تەمکین ئەکا

سەیرى کەن عاشق کە چەند شێتە ئومێدى مەرحەمەت

لەو نیگارەى، دڵ فریبەى، زاڵمەى بێ دین ئەکا

بێستوون وەختێ کە لالەى ئەحمەرى لێ سەوز ئەبێ

مەشقى لێوى شەککەرینى ناسکى شیرین ئەکا

عاشقى مەجنوون بە یادى دولبەرى لەیلا سیفەت

خوێنى دووچاوى بەخوڕ دێ دامەنى ڕەنگین ئەکا

قەد لە زیکرى خێرى تۆ غافڵ نیە (ئەحمەد) بە شەو

هەر بە ئومێدى ویسالت سەر لەسەر بالین ئەکا

ئەحمەد موختار جاف

عادەتى ئەم چەرخە وایە، ئەهلى دڵ غەمگین ئەکا

Writing at: 4 / 12 / 1391برچسب:عادەتى ئەم چەرخە وایە, ئەهلى دڵ غەمگین ئەکا,شێعر کوردی, ئەحمەد به‌گی جاف,

Time: By: محمد پیش بینی| |

بوکه باغانه

ئه مه ش ئه و بوکه باغانه یه که له سه ر ریگای مه هاباد بوکان له ناو باغیک داندراوه بو دیتنی مسافیره کان!
ده ستی ئه م باغداره زه حمه تکیشه خوش بی که بوخوی ئه وانه ی دروست کردووه و پیان را ده گا!

ئه مه ش ئه و بوکه باغانه یه که له سه ر ریگای مه هاباد بوکان له ناو باغیک داندراوه بو دیتنی مسافیره کان! ده ستی ئه م باغداره زه حمه تکیشه خوش بی که بوخوی ئه وانه ی دروست کردووه و پیان را ده گا!

Writing at: 4 / 12 / 1391برچسب:بوکه باغانه,وینه,

Time: By: محمد پیش بینی| |

لەسەر ڕووت کازیبەی زولفت وەلابە

لەسەر ڕووت کازیبەی زولفت وەلابە

کە سادق بێ تولووعی ئافتابە

دڵ و دین هەرچی بوو قوربانی تۆ بوو
هەتاکەی ئیدی ئەم ناز و عیتابە؟

بڵا بەو رۆژە نیلۆفەر بسووتێ
بە مەرگی من سەری زولفت وەلابە

لە عەکسی عاریزت فرمێسکی چاوم
گوڵاوی رووتە هەم خوونابی نابە

وەرە بنوێنە خۆت، بمکووژە قوربان
بە دینێک کوشتنی عاشق سەوابە

وەرە بنواڕە بەزمی عالەمی دڵ
چ خۆش دەورێکە هۆشیاریی خەرابە

ئەگەرچی ناڵەیە هەر شەوق و زەوقە
ئەگەرچی گریەیە عەینی سەوابە

بە ناڵینی دڵی سووتاوی عاشق
هەموو هەر نەغمەیی چەنگ و روبابە

بە چاو و گەردەن و روخساری ساقی
هەموو هەر شاهید و شەمع و شەرابە

کوتم با ‌قیمەتی وەسڵت بە دڵ بێ
بە ماچێکش لە زاری خۆت رەزابە

کەچی فەرمووی: دڵت نەشکێ وەفایی
ئەوە سەودایە، زەڕڕێکیش حیسابە

rojin_pishbini-روژین پیش بینی

Writing at: 4 / 12 / 1391برچسب:شێعر کوردی,حەزرەتی وەفایی,وینه, لەسەر ڕووت کازیبەی زولفت وەلابە,

Time: By: محمد پیش بینی| |

Copyright © 2012 All Rights Reserved by awenakurd.loxblog.com - Des By : M.Pishbini**ئاوێنـــــه**