::ئەلا ئەی ساقیی مەستان بە حەققی پیری مەیخانە::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

ئەلا ئەی ساقیی مەستان بە حەققی پیری مەیخانە

ئەلا ئەی ساقیی مەستان بە حەققی پیری مەیخانە
بە گەردش بێنە جامی مەی بە یادی چاوی جانانە

ئەمان ئەی موتریبی مەجلیس بە حەققی تاری رووحانی
بڵا بێ نەغمەکەی سازت کە ئاوی ئاوری هیجرانە

ئەتۆ ئەی رووحەکەم ساقی، ئەتۆ ئەی عومرەکەم موتریب
پەیاپەی لێدە چەنگ‌ و نەی، دەمادەم بێنە پەیمانە

بە تیری غەمزە بملاوێنەوە زولفم لە گەردەن کە
بە سەر هاتوومە مەیدانت، بە دڵ بۆت بووم بە نیشانە

ئەگەر شەوقی جەمالی تۆ نییە من مەست و حەیرانم
لەبەرچی بۆتە بولبول گوڵ، چرا بۆچ بۆتە پەروانە؟

لە شەوقی تۆیە سەرمەستە، بە زەوقی تۆیە پابەستە
ئەگەر عاریف لە کەعبەی‌دا، ئەگەر کافر لە بوتخانە

لە شیرینی جەمالی تۆیە رۆژی روونی لەیلایە
ئەگەر فەرهادی سەرگەردان، ئەگەر مەجنوونی دێوانە

دەمێکی مەست و بیمارم، دەمێک بێ‌هۆش و هۆشیارم
چ کەس نازانێ دەردی من، مەگەر ئەو چاوە کاڵانە

دە هەر حەڵقێکیدا سەد دڵ، گرفتارە دەناڵێنێ
سەری زولفی پەرێشانت مەگەر زنجیری شاهانە؟

هەناسەی عاشقان با نەدگرێ، بێ مروەتی تا کەی؟
بترسێ ئەی گوڵی نازك‌بەدەن لەو بایی زریانە

ئەگەر زولفت وەکوو من عاشقی رووی تۆ نییە بۆ‌چی
سەراپا تێکچوو، کەوتۆتە بەرپێت،دەست و دامانە؟

ترازا دوگمەکەی سینەی، بەیاری زولفی هات غەمزە
بەیان بەربوو‌ لە لای چین، باخەبەر بن! تیرە بارانە

وەفایی بۆ گوڵێکی سەروباڵا شێت و شەیدایە
وەکوو قومری دەناڵێنێ وەکوو بولبول غەزەل‌خوانە

وه فایی ....

Writing at: 10 / 11 / 1390برچسب:وه فایی,شێعر کوردی,ئەلا ئەی ساقیی مەستان بە حەققی پیری مەیخانە,

Time: By: محمد پیش بینی| |

وەفایی

وەرە بنــــواڕە بەزمی عالەمــــی دڵ
چ خۆش دەورێکە هۆشـــیاری خراپە
ئەگەرچی ناڵەیە، هەر شەوق وزەوقە
ئەگەرچی گریەیە، عەیــــنی صەوابە
بە ناڵیـــنی دڵی سوتاوی عاشــــق
هەمو هەر نەغمەیی چەنگ و ڕوبابە
(وەفایی)

Writing at: 10 / 11 / 1390برچسب:وەفایی,شێعرکوردی,

Time: By: محمد پیش بینی| |

هەروەکوو کەو پەنجەکانت وا بە خوێنم رشتووە

شاعیری گەورەی کوردی "کوردی" دەڵێ:

ئەی موسڵمانینە ! نابێ پێم بڵین چیم کردووە؟
دلبەرم بۆچی وەها دەستی لە خوێنم خستووە؟
پەنجەکەی خوێناویە ئێستا دەکا حاشا گوڵم
سوێند دەخوا بە خودا دەڵێ بیللا ئەمن نەمکوژتووە
چونکە ئەمڕۆ من شەهیدی کەربەلایی عەشقی تۆم
هەروەکوو کەو پەنجەکانت وا بە خوێنم رشتووە
چاوی مەستی فیتننە جۆکەت وەک سواری تورکمان
خەرمەنی عەقڵ و دڵ و هۆشی بە غارەت بردووە
پەرچەمت هەر وەک پەری تاوس کە دەدرەوشێتەوە
هێندە نەرم و سافە وا قورئان دەخۆی تووکی قووە
کێ خەلاسی دێ لە قوللەی قافی عیشقت چاوەکەم؟
زەحمەتە بیللا کە چونکە پڕ لە سیحر و جادووە
ئەو سیا واڵا لە دەورەی گەنجەکەی روخسارتە
پڕ عەجەب ماوم کەوا خۆمارە یاخۆ گیسووە؟
یا خوا دوور بێ لە چاوی بەد، تەماشاکان گوڵم
هێندە باریکە قەدی، قورئان دەخۆی تاری مووە

Writing at: 6 / 11 / 1390برچسب:کوردی,هەروەکوو کەو پەنجەکانت وا بە خوێنم رشتووە,شێعر کوردی,

Time: By: محمد پیش بینی| |

بیستووتە بەفر

بیستووتە بەفر
ئاگر بەرداتە شەوێکی خامۆش ،
کراسی لە گوڵ بۆ شەو بدوورێ ،
بۆن و بەرامەی خوێن بێنێتە جۆش ؟ !
بەسەرهاتێکی ئاوام لە یادە :
شەوێکی ساردی چلەی زستان بوو ،
لە کەنارێکدا ،
کە ڕایەخ زەوی و بنمیچ ئاسمان بوو –
بە داگیرسانی
دەماری جووتێک جەستەی تێک ئاڵاو
بەفری نیوەشەو
ببوو بە مێرگ و مەفتەنی هەتاو !
................................
عەبدوڵڵا پەشێو

Writing at: 4 / 11 / 1390برچسب:عەبدوڵا پەشێو,شێعر,کوردی,بیستووتە بەفر,

Time: By: محمد پیش بینی| |

له‌ روخساری شیعر گه‌ڕێن،خه‌مخواری کورد

منداڵ و شێت ڕاستگۆن...منیش...
... منداڵێکی سه‌ر سپیم و
سه‌رشێتێکی لاساری کورد
زارم شیعری پێدا نایێ...له‌ هه‌ژمه‌تی
ورگ و قه‌ڵه‌م چاو شۆڕانی ده‌رباری کورد
وه‌ک کاولی چه‌قه‌نه‌یان هه‌دا نادا
بۆ گه‌مبۆڵ و جه‌للادانی قۆچداری کورد
* * *
خه‌ونێکم دی :
له‌و خه‌وه‌دا ئاهرومه‌ز ده‌گه‌ڕا بۆ‌
نیشتیمانی که‌ڤناری کورد
هه‌وری ئاسمان لاڵوپاڵ بوو
له‌به‌ر زرمه‌ی گه‌ڕی شایی و
هاتوهه‌وی شاسواری کورد
به‌یانییان ئاوێزانی گزنگ ده‌بووم
تێمده‌چریکاند بۆ خاک،ئاڵا،ئاکاری کورد
ئێوارانیش ڕێی ژوانم گوڵڕێژ ده‌کرد
بۆ کوڕگه‌ل و کیژوکاڵی دڵداری کورد
گوتم : ئۆخه‌ی! خۆ لۆتییه‌که‌ی به‌غدای ڕاونا
خڕکه‌به‌ردو خوتره‌داری هه‌ژاری کورد
ئۆخه‌ی ڕێگه‌ی گه‌ڕانه‌وه‌م،ئۆخه‌ی بێرکۆت
ئۆخه‌ی بێشه‌و چه‌م و کێڵگه‌و به‌یاری کورد
ئۆخه‌ی ئاسمان
ئۆخه‌ی زه‌وی،ئه‌ستێره‌و مانگ
ئۆخه‌ی هاوین،پایز،زستان،به‌هاری کورد
ئۆخه‌ی ماچی ئازیزانی ڕوو هه‌تاوگاز
ئه‌شکی عومرێک چاوه‌نواڕی دیداری کورد
ئۆخه‌ی ئاوی زنه‌و کانی،دۆی کونده‌ڵان
ئۆخه‌ی خه‌وی بن سابات و ده‌واری کورد
ئۆخه‌ی مه‌رگی ناو ئازیزان
چوونه‌ ژوانی تاهه‌تایه‌ی
خاک و خۆڵی بۆنداری کورد.
له‌و خه‌وه‌دا هاوارم کرد : "خه‌ونه‌،مه‌ڕۆ"
له‌ خه‌ویشدا خوا نه‌هاته‌ هاواری کورد !
کاتێ هه‌ستام،چ ببینم ؟! ته‌راتێنه‌ !
ته‌راتێنی گۆڕهه‌ڵکه‌نه‌ و که‌متیاری کورد !
* * *
نه‌ کرمم بچمه‌ ژێر زه‌وی
نه‌ باڵدارم بچمه‌ ئاسمان
ئه‌دی چبکه‌م،کردگاری کورد ؟
ده‌کشێمه‌وه‌ - ته‌وری تکریت چاوه‌ڕێمه‌
ده‌ڕۆمه‌ پێش – ڕه‌ببانی و حیکمه‌تیاری کورد #
ئه‌وان ،هه‌ردووک
ده‌می تیژی یه‌ک مه‌قه‌ستن
بۆ بڕینی به‌ندی دڵی داخداری کورد :
چاو له‌ به‌غدا
قوون له‌ تاران
گوێچکه‌ له‌ شام
له‌ ئه‌نقه‌ره‌ش قه‌مته‌ر کران که‌وماری کورد
* * *
له‌ زمان و سه‌ر بێزارم
دیسان چاوم له‌ ئێوه‌یه
زارۆیانی نه‌داری کورد
سه‌رێکی دی به‌ ئه‌ستۆوه‌ بنوسێنن
زمانێکی دی بخه‌نه‌ ناو زاری کورد
له‌ دایک بن ! هه‌تا ئێوه‌ نێنه‌ دونیا
خوێنی تازه‌ی تێ ناگه‌ڕێ ده‌ماری کورد
پارێز بکه‌ن
له‌ سفلسی بیری ده‌ڵبی بنبژاومان
له‌ ئایدزی ڕه‌فتاری کورد
گومان بکه‌ن له‌مان،له‌وان،له‌ دار،له‌ به‌رد
گه‌رنا له‌ کێ وه‌پاشکه‌وتوون سه‌رداری کورد ؟
له‌ دامێنی کێن سه‌رخێڵی هوتۆ و توچچی
داشه‌هاره‌ی هه‌رچوار ده‌ور و که‌ناری کورد ؟
ئه‌و بۆکسانه‌ و پۆڵ پۆتانه‌ له‌ کوێوه‌دێن #
بۆ گێڕانی ئاشه‌خوێن و کوشتاری کورد ؟
له‌ دایک بن ! کوڕانی سه‌ده‌ی ئاینده‌
هه‌ڵۆیانی گه‌رده‌نبه‌رزی کۆساری کورد
له‌ دایک بن ! هه‌ڵگرانی چرای زه‌رده‌شت
په‌ریزاده‌و شۆڕه‌سواری دێ و شاری کورد
له‌ دایک بن ! ژه‌نگی مێژوو داپۆشۆرن
با گوێی دنیا بئه‌نگێوێ بڕیاری کورد

په‌شێو

Writing at: 4 / 11 / 1390برچسب:عەبدوڵا پەشێو,شێعر,کوردی,له‌ روخساری شیعر گه‌ڕێن,خه‌مخواری کورد,

Time: By: محمد پیش بینی| |

رقی پێروز

رقی پێروز
ده‌مگرێ، ئە مما له گرتوو خانه رق ئەستوور ترم
لێم دەدا، ئە مما له سه‌ر داوا رەواکەم سوور ترم
دەمکوژی، ئەمما بە گژ جەللادەکەم دا دێمەوە
کوردم و ناتوێمەوە،ناتوێمەوە،ناتوێمەوە

Writing at: 3 / 11 / 1390برچسب:رقی پێروز, هێمن, شێعر کوردی,

Time: By: محمد پیش بینی| |

پەشیـــــــــــمانی

پەشیـــــــــــمانی

من هەڵە بووم..
لەرۆژانی جوانی و گەنجیم بە پەلە بووم.
هەر نەسرەوتم...
بەشوێن هەستێکی ون کەوتم...
تاکو لەسەر سینگی نەرمی خەیاڵی پووچ
کپ بووم .. کەوتم

ڕابرد گەنجی...
تاوێ نەم دی بەری رەنجی..
زۆر بەر دەرگەی نازدارێکم کوتایەوە
تاکو چڵی ژینی گەنجیم ڕووتایەوە
ئەوسا مۆمی هەستی تەزیو،
بۆ ژیانی پرسنگ بەزیو
داگیرسا...درەوشایەوە
بۆی دەرخستم ڕێی سەرەو ژوور
ڕێگەی کۆشکی ئامانجی دوور...
بەڵام پاش چی..!!!
پاش ئەوەی خەم گەرای دانا
لەدڵی شێت و مەستم دا،
هەرچی جوانی و رۆشنایی بوو،
سەد مخابن لە دەستم دا..

شاعیری گەورەی کورد
(پـــــــەشــــــــــــــێو)

Writing at: 3 / 11 / 1390برچسب:پەشیـــــــــــمانی, من هەڵە بووم, شێعر کوردی, عەبدوڵا پەشێو,

Time: By: محمد پیش بینی| |

کـــــــــــــــــاك

کـــــــــــــــــاك

پێش ئەوەی بێمە بەردەمت
کام بیری جوان خورپەدار
کام دێر هەڵبەست زۆر بەکارە
شانەی دەکەم وەك پەرچەمت
لەماوەی چاو قوچانێکدا
هەزار و یەك خەونی شیرین
دەمکەن بە مەم ، دەتکن بەزین

لە خەیالما
پایز بەهاری لێ دەتکێ
درەختی ڕووت
گەڵای سەوزی پێوە دەلکێ
بەڵام، سەد ئاخ ، ئەی دەرونپاك
کاتێ بانگم دەکەی بە(کاك)
کاك وەك مار
بەرەو گوێچکەم گینگڵ دەدا
کە دێمە گۆ
خۆی لە زمانم لوول دەدا
هێدی...هێدی...
قوتم دەدا
کفنی زەردی نائومێدی

من لە دڵتام...
من لە دەروونتام...
لە گلێنەی چاوی روونتام...
شەرم مەکە...!!!
بە ناوی رووت
ناوم بێنە پڕ بەگەرووت
با لە یەکتر ئاشکرا بین
تا کەی لەناو ئاگرا بین..؟؟
نە تۆ خوشکی...نەمن کاکم...
خوشەویستی دەروون پاکم..!!!

شاعیری گەورەی کورد
(پــــەشــــــــــــــــێو)
٥-٦-١٩٦٩نوسراوە

Writing at: 3 / 11 / 1390برچسب:کـــــــــــــــــاك, پێش ئەوەی بێمە بەردەمت, شێعر کوردی, عەبدوڵا پەشێو,

Time: By: محمد پیش بینی| |

عاشقی بێ‌دڵ ده‌ناڵێ، مه‌یلی گریانی هه‌یه‌

بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش

دا بڵێن ده‌ریای عومانه‌ دوڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌

دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو

دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:

له‌علی ڕوومانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت

ڕاسته‌ هه‌ر زی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت،

حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ

کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش

دێن ده‌ڵێن: به‌خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌

«نالی» ئه‌مڕۆ حاکمی سێ موڵکه‌ دیوانی هه‌یه‌

Writing at: 3 / 11 / 1390برچسب:عاشقی بێ‌دڵ ده‌ناڵێ, مه‌یلی گریانی هه‌یه‌, نالی, شێعر کوردی,

Time: By: محمد پیش بینی| |

لــــــــه‌ دڵدا ئاته‌شى عيشقت بلێسه‌ى ميسلى ته‌ندوره‌

لــــــــه‌ دڵدا ئاته‌شى عيشقت بلێسه‌ى ميسلى ته‌ندوره‌
شـه‌تى ئه‌شكم نه‌بێ مانيــع، ده‌سوتێم ده‌بمه‌ كۆى نووره‌

به‌ نـارى عيشق و ئاوى دڵ, جه‌سه‌د وه‌ك حه‌زره‌تى موسا
ته‌ريقی: به‌حــــــــرى فيرعه‌ون و, ڕه‌فيقى ئاته‌شى تووره‌

ده‌چـێ بۆ لاى رِه‌قيب خۆشه‌, وه‌لێ ئه‌و داخــه‌ كوشتومى
له‌ كـن ئه‌و چه‌نده‌ مه‌جبوره‌, لــــه ‌لاى من چه‌نده‌ مه‌غروره‌

په‌یامت هــــات و په‌یكت ڕۆى, خـــــــه‌ياڵم ناردوو نه‌یگه‌یێ
رِه‌سوڵم كـــــــــــه‌وته‌ رِێ، گرتی، هێناى وه‌ك ئاگره‌ سوره‌

كه‌ ديتـــم شكلى سه‌د ڕه‌نگــــی, گوتم: بابايى عـــه‌ییاره‌
كه‌ بيستم له‌فزى بێده‌نگی, گـــــــوتم: شه‌یپوری شاپووره‌

گـوتم:راستى سه‌بـــا هه‌ڵسه‌، گوتی: مه‌شره‌ب موخالیفه‌
گــــــوتم: نارێ، گــــــــــــوتى: بایه‌، ئه‌وجێ، گوتی: دووره‌

گـــوتم: قوربانى تۆ من بم، گــوتی: قوربانى تــۆ سه‌گ بێ
گـوتم: شيشه‌ى دڵـــم ناتوێ، گـوتی: بۆ چیمه‌، مه‌كسوره‌

خــه‌راباتى دڵــــــى (( نالــــى )) مه‌ فه‌رموو: خاڵیه‌، نـايـه‌م
بـه‌ مه‌رگی تۆ قه‌سه‌م، چــاوم! به‌ زيكرت به‌يتى مه‌عمووره‌

(1)
واته‌: دووشتم تیا کۆبوونه‌ته‌وه‌ که‌ دژی یه‌کن و پێکه‌وه‌ ناگونجێن، به‌هۆی به‌ربه‌ره‌کانێی یه‌کتری کردنی ئه‌ودوانه‌وه‌ ماوم، ئه‌گه‌ر ته‌نها یه‌کێکیانم تیادا بوایه‌ ئێستا فه‌وتابووم. ئه‌ودووانه‌ یه‌کێکیان ئاگری عه‌شقه‌که‌ته‌ که‌ ته‌نوورێکی له‌ دڵما ناوه‌ته‌وه‌ و ئه‌ویشیان ده‌ردی دووریته‌ که‌ هه‌میشه‌ به‌هۆیه‌وه‌ ئه‌گریم. ئه‌گه‌ر ئه‌مه‌ی دووه‌هه‌میان نه‌بوایه‌ که‌ که‌مێک تینی ئه‌ویان دا ئه‌مرێنێته‌وه‌، ئه‌سووتام وئه‌بوومه‌ کۆی نووره‌...

(2)
واته:‌به‌م ئاگری عه‌شقه‌ و به‌م ئاوی چاوه‌ که‌ له‌قووڵایی دڵمه‌وه‌ هه‌ڵئه‌قوڵێ، لاشه‌م وه‌ک حه‌زره‌تی موسای لێ هاتووه‌، ئه‌بێ به‌سه‌ر جۆگای فرمێسکی خۆیا بپه‌ڕێته‌وه‌ که‌ وه‌ک به‌حره‌که‌ی فیرعه‌ون وایه‌ و، له‌گه‌ڵ ئاگری ده‌روونیا بگه‌رێ که‌وه‌ک ئاگره‌که‌که‌ی کێوی توور وایه‌.
(3)
واته‌:قه‌د ناکا ، ناخۆش نییه‌ یار ئه‌چێ بۆلای به‌دکار و سه‌ری لێ ئه‌دا، ئاره‌زووی خۆیه‌تی. به‌ڵام من داخی ئه‌وه‌ کوشتوومی که‌وا چه‌ند لای ئه‌و ناچار و مه‌جبوور و مل که‌چه‌ و وه‌ک بڵێی ئه‌م موحتاجی ئه‌و بێ،که‌چی ئه‌گه‌ر جارێک بێته‌ لای من، ئه‌وه‌نده ‌له‌خۆی باییه‌ و فیزم به‌سه‌ردا ئه‌کا!
(4)
هه‌واڵت هات که‌ چوویته‌ لای به‌دکار یا به‌دکار هاتووه‌ته‌ لای تۆ و، فروستاده‌که‌ت که‌ به‌دکار خۆی بوو که‌ هه‌واڵه‌که‌ی پێگه‌یاندم، گورج وه‌ک جنۆکه‌ ڕای کرد. منیش خه‌یاڵم نارد به‌دوایا، واته‌ که‌وتمه‌ بیرکردنه‌وه‌ له‌مه‌ چۆن وا تۆ ڕێگای ئه‌و ئه‌ده‌ی بتبینێ، به‌ڵام خه‌یاڵ کول بوو، نه‌گه‌یشت به‌وه‌ له‌ ڕازی ئه‌م ڕوداوه‌ بگا. ناچار بووم هه‌ناسه‌ی گه‌رم و ئاگراوی و به‌ سۆزی خۆم به‌دوادا هه‌ڵکێشا، ئاهی هه‌ناسه‌که‌م ئه‌وه‌نده‌ تووند و تیژ بوو هێنای.
(5)
واته‌: که‌شێوه‌ی سه‌د ره‌نگیم دی، وتم ئه‌مه‌ بابای عه‌یاره (که‌ وه‌ک له‌ ئه‌فسانه‌دا ئه‌یگێرنه‌وه‌ کابرایه‌ک بووه‌ له‌ده‌سته‌ و دائیره‌ی ئه‌سکه‌نده‌ری مه‌کدوونیدا، ئاره‌زووی له ‌کێ بووبێ بچێته‌ شێوه‌یه‌وه‌، چووه‌ته‌ شێوه‌یه‌وه‌)،چۆن ئاره‌زوو بکا وا خۆی ئه‌گۆرێ، بۆیه‌ش توانیویه‌تی جێی خۆی له‌دڵی یاردا بکاته‌وه‌. که‌دیتیشم ده‌م ئه‌جووڵێنێته‌وه‌ و هیچیش ناڵێ، وتم ببێ و نه‌بی ئه‌مه‌ که‌ڕه‌ناکه‌ی شاپووره‌(شه‌یپوور:ئاله‌تێکی مۆسیقایه‌ فووی پیا ئه‌کرێ).
(6)
واته‌: به‌به‌تکارم وت به‌م (به‌یانی)یه‌ (راست) به‌ له‌گه‌ڵم ، وتی: ئاره‌زووم (موخالیف)ی ئه‌وه‌یه له‌گه‌ڵت‌ راست بم‌. وتم: که‌واته‌(ئاگر)ی باسی په‌یوه‌ندی خۆت و یار بنێ به‌جه‌رگمه‌وه‌، وتی: (با)یه ‌و ئاگره‌که‌ به‌هه‌موو لایه‌کا بلاو ئه‌کا. وتم: که‌واته دوور که‌وه‌‌ره‌وه‌ له‌یار بامن بگه‌مه‌ (ئه‌وج)ی به‌خته‌وه‌ری، وتی: ئه‌وه‌ش (دوور)ه‌... یاخوود که‌دیم به‌دکار وه‌ک شه‌یپووری شاپوور وایه‌. وتم: مه‌قامێکی (راست) و ( سه‌با)م بۆ لێده‌، وتی: ئاره‌زووم له‌ مه‌قامی (موخالیف)ه‌. وتم: مه‌قامی (ئاته‌ش)م بۆلێده، وتی‌: ئێستا کاتی مه‌قامی (باد)ه‌ و (باد) و (ئاته‌ش)یش ناکه‌ونه‌یه‌ک. وتم: مه‌قامی (ئه‌ج)م بۆلێده‌. وتی:مه‌قامی( ئه‌وج) مه‌قامێکی دووره‌ و نایگه‌یتێ.
(ئه‌م دێره‌ به‌ دوو واتا لێکدراوه‌ته‌وه‌)
(7)
واته‌: به‌یارم وت: به‌قوربانت بم، که‌چی ئه‌وه‌نده‌ دڵ ره‌ق بوو، دڵی شکاندم و له‌وه‌ڵاما وتی: سه‌گ به‌قوربانت بێ... له‌گه‌ڵ ئه‌وه‌شدا هه‌ر ده‌ستبه‌رداری نه‌بووم و پێشنیارم کرد که‌ شووشه‌ی دڵمی بده‌مێ، بچێته‌ ناوی و رازی بێ به‌ خۆشه‌ویستی له‌ دڵما جێ گیر ببێ، به‌ڵام قایل نه‌بوو، وتی: تۆ دڵت شکاوه‌ و منیش ناچمه‌ ناو دڵی شکاوه‌وه‌.
(8)
واته‌: چاوه‌که‌م! پێم مه‌فه‌رموو دڵت شکاو و وێرانه‌یه‌ و خاڵیه‌ نایه‌م تیا دانیشم، به‌مه‌رگی تۆ قه‌سه‌م به‌ یادی تۆ ئاوه‌دانه‌ هه‌رگیز یادی تۆی لێ نابڕێ. ئیتر چۆن ئه‌توانی به‌ وێرانه‌ی ناوببه‌ی.

Writing at: 3 / 11 / 1390برچسب:لــــــــه‌ دڵدا ئاته‌شى عيشقت بلێسه‌ى ميسلى ته‌ند, نالی, شێعر کوردی,

Time: By: محمد پیش بینی| |

عاشقی بێ‌دڵ ده‌ناڵێ، مه‌یلی گریانی هه‌یه‌

عاشقی بێ‌دڵ ده‌ناڵێ، مه‌یلی گریانی هه‌یه‌
بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش
دا بڵێن ده‌ریای عومانه‌ دوڕڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن:
له‌علی ڕوممانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌ر زیی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش
دێن ده‌ڵێن: به‌ خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
«نالی» ئه‌مڕۆ حاکمی سێ موڵکه‌ دیوانی هه‌یه‌!

(ترجمه فارسی)

عاشق بی‌دل می‌نالد میل به گریه دارد
بدون تردید آذرخش خبر از باران می‌دهد

چشم من دم به دم می‌ریزد آب صاف و خون سُرخ
تا که گویند دریای عمان است و دُر و مرجان دارد

زلفش رخسارش را می‌پوشاند، پیچ زلفش چون نقاب است
تا که گویند در روز نیز شمع محفلی دارد

آسمان حُسن محبوبم از ابرو و زلف و رخسار
دو هلال و دو شب و دو ماه تابان دارد

فقط لبت را، و یا سینه‌ات را نیز، نشان ده تا که گویند:
لعل اناری دارد، و یا لعل و انار دارد

از ترس طعنه زدن‌های رقیبان از دستمان وحشی‌ست
درست است که هر ذی‌الروحی برای وسوسه شیطانی دارد

دل مشبک گشت از نشانهای تیر مژگانت
حیف است قربان! آخر این دل شأنی دارد

لحظه‌ای و آنی چشمم بر چشمانش نمی‌افتد
آهوی وحشی از کجا معلوم که علاقه‌ای به دیدن بنی آدم داشته باشد
تو اگر برخیزی دیو و کافر نیز
خواهند گفت: به خدا قیامت راست است و رستاخیزی وجود خواهد داشت

فارس و کورد و عرب را در دفترم گرفته‌ام
«نالی» امروز حاکم سه مملکت است، دیوان دارد!

نالی

Writing at: 3 / 11 / 1390برچسب:عاشقی بێ‌دڵ ده‌ناڵێ, مه‌یلی گریانی هه‌یه‌, نالی, شێعر کوردی,

Time: By: محمد پیش بینی| |

چرای زووڵمه‌تکه‌ده

چرای زووڵمه‌تکه‌ده

ئه‌ی چرای زوڵمه‌تکه‌ده‌ی دڵ،ئه‌ی جه‌لای نووری به سه‌ر

تۆ و جه‌ماڵی با که‌ماڵت،ئافتابی یا قه‌مه‌ر?
...
شه‌و ئه‌گه‌ر تۆ ماهتابی،ئینتیزاری تا به که‌ی?

رۆژ ئه‌گه‌ر تۆ ئافتابی،بۆچ له هه‌وران نایه ده‌ر?

ئاب و تابی رووته مایه‌ی سۆزش وگریانی من

گا غه‌ریق و گا حه‌ریقی میهری رووت وه‌ک نیلوفه‌ر

ئاوی چاوم بۆته مایه‌ی سۆزش و گریانی دڵ

گا نه‌خۆش و مه‌ست و حه‌یران،گا به هۆش و باخه‌به‌ر

وا فیگار و ره‌نجه‌رۆم کافر به حاڵی من نه‌بێت

بێ قه‌رار و ئه‌شکبار ودوور له یار و ده‌ر به‌ده‌ر

""مــــــــــه حـــــــوى""

Writing at: 3 / 11 / 1390برچسب:ئه‌ی چرای زوڵمه‌تکه‌ده‌ی دڵ, ئه‌ی جه‌لای نووری به سه‌ر, مه‌حوی, شێعر کوردی,

Time: By: محمد پیش بینی| |

ئه‌وی دڵدار و دلبه‌رمه‌، ئه‌وا ده‌ڕوا له‌به‌ر چاوم

ئه‌وی دڵدار و دلبه‌رمه‌، ئه‌وا ده‌ڕوا له‌به‌ر چاوم

به‌ دوویا، بۆچی دڵ نه‌توێته‌وه‌ و نه‌ڕوا له‌به‌ر چاوم؟

وه‌کو گوڵ، هه‌موو ده‌مه‌، ده‌ره‌وه‌م سه‌ربه‌سه‌ر زوبان

وه‌ک خونچه‌یه‌ ده‌روونی دڵی گوڵ له‌سه‌ر زوبان

که‌بێ لێوی له‌سه‌ر لێوم بنێ، رۆحم له‌سه‌ر لێوه‌

که‌ لێوی لابه‌رێ، ئه‌ڵبه‌ته‌ رۆحم ده‌رده‌چێ پێوه‌

بڵێ به‌ئه‌هلی حه‌سه‌د مه‌حویا، وه‌کو حافظ

قبول خاطر و لطف سخن، خدا دادست

Writing at: 3 / 11 / 1390برچسب:ئه‌وی دڵدار و دلبه‌رمه‌, ئه‌وا ده‌ڕوا له‌به‌ر چاوم, مه‌حوی, شێعر کوردی,

Time: By: محمد پیش بینی| |

که‌بێ لێوی له‌سه‌ر لێومبنێ،ڕۆحم له‌سه‌رلێوه‌

که‌بێ لێوی له‌سه‌ر لێومبنێ،ڕۆحم له‌سه‌رلێوه‌
که‌لێوی لابه‌رێ،ئه‌ڵبه‌ته‌ڕۆحم ده‌رده‌رده‌چێ پێوه‌
شه‌که‌رباری ،نمه‌ک پاشی،ئه‌گه‌ر ببوایه‌منده‌موت
که‌غونچه‌ی تازه‌پشکوتوده‌شوبهێ به‌وده‌مولێوه‌
ده‌ڵێ هه رکه‌س ببینێ یارو، ئه‌غیاری به‌ئه‌طرافا
... خوداچین ئه‌م هه مودێوه‌ له‌ده‌وری ئه‌م په‌ری شێوه‌
هه تاڕۆژه‌ ده‌بێ بۆشامی شه‌وهه وڵێ بداهه رکه‌س
ئه‌گه‌رشاهه نشه‌هه ئه‌وڕوژه‌ ڕۆیی شه‌وبه‌بێ شێوه‌
به‌هارێ بوجوانی،بوبوسوخره‌ی پایزی پیری
به‌سه‌ر چوباغ وباقی ماوه‌وه‌ی مشتێ چڵوچێوه‌
مه‌گه‌ر شاری عه‌ده‌م جێی واتیاسه‌رگه‌شته‌بم قاته‌
بیابانه‌به‌شی مه‌جنونه‌خاصی کۆهکه‌ن کێوه‌

ئه‌مینی شێتیه‌ (مه‌حوی)له‌نه‌فسی مه‌کری ئه‌مماره‌

مه‌گه‌ر ڕه‌ حمی خوداده‌م به‌ستی کائه‌م ماره‌ ئه‌نگیوه

مه‌حوی

Writing at: 3 / 11 / 1390برچسب:که‌بێ لێوی له‌سه‌ر لێومبنێ, ڕۆحم له‌سه‌رلێوه‌, مه‌حوی, شێعر کوردی,

Time: By: محمد پیش بینی| |

شەوكەسێ‌ پرسی لەخۆ دەرخستی پەروانەشەو

شەوكەسێ‌ پرسی لەخۆ دەرخستی پەروانەشەو
ئەو وتی:ناتیگەیشتوو!تەجرە بەی مەردانەشەو
هەرسیابەختانی عیشقە مەزهەری نووری هودان
شەونەبێ‌ ئەستیرەمەستوورن، بەكەم مەروانەشەو
ئەم سیارۆزی منەپۆشیویە عەیبی كەسان
ئاشكارەسەتری ئەحوالی گونەهكارانەشەو
بۆیەزولمەت پۆشە،نووری ئەهلی جەوهەردەركەوێ‌
سەیری حەققی كەن لەسەر ئەم ماه وئەستیرانەشەو
نەبووە،نابینی لەشەومەحرەم ترێ‌ تارۆزی حەشر
پەردەپۆشه،هەمدەمه،هەمدەردی عوششاقانەشەو
شەو،هەمووشەوچاوەرییەرۆژ هەلێ‌،هەر رۆژهەلات
مەحوەسەرتاپالەبەرپییافیدا كارنەشەو
خۆرپەرستینه!لەشەوفیری پەرستن بن،كەخۆر
هەردیاری دا،بەدەوری سەریەدا قوربانەشەو
فیرقەتی رۆژەدەروونی كردە داغیكی سیا
وەك منی سەودازەدەئاتەش زەدەی هیجرانەشەو
گەرفیراق ئاگرهەموو رۆژێ‌ لەجەرگی بەرنەدا
بۆهەمووشەوتیرەدل،سینەی زوخالستانەشەو!
تیرەگی وافەزلی بۆنادەم بەسەر رووناكییا
مەنشەئی ئیزهاری جیلوەی فەیزی سبحەینانەشەو
هەرلەتاریكی شەوایەرێدرئ ئەهلی نیاز
رازی دل ئیفشابكەن،خەلوەت گەهی خاسانەشەو
تێ‌ بگەن بۆجی بەجانن طالیبی شەوعاشقان
نیوەشەوبوو،وەعدەگاهی هاتنی جانانەشەو
هیندەساحیب سیررە،(میعراج)وشەوی(قەدر)و(بەرات)
خاسەجاتی ئەون ومومتازەبەم ئەسرارانەشەو
هەركەسئ طالیب بەدورری مەعریفەت كۆكردنه
پرلەدوردەریایەكی بێ‌ مەهلەكەی خنكانەشەو
وەك خظرئاوی حەیاتی فەیزی حەق عافیتیه
ئەوخوداپیداوه(محوی)تاسەحەر نالانەشەو

مه‌حوی

Writing at: 3 / 11 / 1390برچسب:شەوكەسێ‌ پرسی لەخۆ دەرخستی پەروانەشەو, مه‌حوی, شێعر کوردی,

Time: By: محمد پیش بینی| |

شه‌ماڵ ئه‌وده‌م که‌ عه‌تری بسکی تۆی‌ بێ

وه‌رگێرانی مامۆستا ناسر حیسامی

شه‌ماڵ ئه‌وده‌م که‌ عه‌تری بسکی تۆی‌ بێ
له‌ سونبول خۆشتره‌ بۆنی که‌ ده‌ڕژێ
که‌ شه‌و ده‌گرم خه‌یاڵی تۆ له‌ ئامێز
به‌یانی بۆنی گوڵ له‌و جێگه‌یه‌م دێ

ئه‌وا شه‌و هاته‌وه‌ گیانم بسووتێ
گریبان تا به‌ دامانم بسووتێ
له‌ سه‌ر کفری که‌زیی تۆ ئه‌ی په‌ریڕوو
ده‌ترسم من که‌ ئیمانم بسووتێ

که‌ دڵ ده‌گری، ده‌ڵێی ناڵه‌ی له‌ نه‌ی دێ
به‌ دایم ده‌ردی هیجرانم له‌ په‌ی دێ،
به‌شم سووتانه‌ تا ڕۆژی قیامه‌ت
بڵێی خوایه‌ قیامه‌ت تاکوو که‌ی بێ؟

گڕی عیشقت له‌ گیانم سه‌ر ده‌رێنێ
له‌ جه‌سته‌م خۆڵه‌مێشێ جێ ده‌مێنێ
نه‌مامی میهری تۆ ببڕن له‌ جه‌رگم
له‌سه‌د لاوه‌ په‌لی تازه‌ ده‌هێنێ

بابا تایه‌ری هه‌مه‌دانی

Writing at: 3 / 11 / 1390برچسب:شه‌ماڵ ئه‌وده‌م که‌ عه‌تری بسکی تۆی‌ بێ, بابا تایه‌ری هه‌مه‌دانی, مامۆستا ناسر حیسامی,

Time: By: محمد پیش بینی| |

هه‌موو به‌ند و جومگه‌ی له‌شم وه‌ك نه‌یه‌

هه‌موو به‌ند و جومگه‌ی له‌شم وه‌ك نه‌یه‌
مه‌دام ده‌ردی دووریت له‌ دوما هـــــــه‌یه‌
ئه‌من تاقیامه‌ت ده‌سوتێم به‌تـــــــــــــــاو
خودا خۆی ده‌زانێ قیامه‌ت كــــــــــــــه‌یه‌

بابا تایه‌ری هه‌مه‌دانی

Writing at: 3 / 11 / 1390برچسب:هه‌موو به‌ند و جومگه‌ی له‌شم وه‌ك نه‌یه‌, بابا تایه‌ری هه‌مه‌دانی, شێعر کوردی,

Time: By: محمد پیش بینی| |

بەڵا،ئەی جوان،رەمزێكە لە باڵات

بەڵا،ئەی جوان،رەمزێكە لە باڵات
جنوون وەسفێكی سەرپایی لە سەودات
گومانی وەم لە سەنعەتكاری تۆیە
بە پەنهان چاوی دەبڕێتە تەماشات.
لە دڵ نەخشی جەماڵت لانە چێ یار!
خەیاڵی خەت و خاڵت لانە چێ یار!
لە دەوری چاو،موژەم كردووە پەرژین
لە بەر چاوم خەیاڵت لانەچێ یار!
لە خۆشاوی ترێ خۆشە هەناوم
لە یاری نازەنین بۆ هەڵبڕاوم؟
كە من بێبەش لە تینی ئاگرت بم
ئەدی بۆ دووكەڵی دەرد بێتە چاوم؟
گڕی عیشقت لە گیانم سەر دەرێنێ
لە جەستەم خۆڵەمێشێ جێ دەمێنێ
نە مامی میهری تۆ ببڕن لە جەرگم
لە سەدلاوە پەلی تازە دەهێنێ‌
دو زولفونت بود تار ربابم
چە میخواهی از ین حال خرابم
كە تو با مو سر یاری نداری
چرا هر نیمە شو ایی بە خوابم
لە خێڵی سووتە دڵانم،چۆن نەناڵم
لە هۆز بێحاسڵانم،چۆن نەناڵم
لە سەر گوڵَ نیشتووە بولبول دەناڵێ
كە لێم دوورن گوڵانم، چۆن نەناڵم!

بابا تایه‌ری هه‌مه‌دانی

Writing at: 3 / 11 / 1390برچسب:بەڵا, ئەی جوان, رەمزێكە لە باڵات, بابا تایه‌ری هه‌مه‌دانی, شێعر کوردی,

Time: By: محمد پیش بینی| |

منم ئه‌و ئـاگــرین ته‌یره‌ی كــه‌ ده‌ر حـــاڵ

منم ئه‌و ئـاگــرین ته‌یره‌ی كــه‌ ده‌ر حـــاڵ
ده‌سـوتــێـنم زه‌مـین لێكـــده‌م پــه‌ڕو بـاڵ
موسه‌ویر گه‌ر بكا نه‌خــشم له‌ دیـــــــوار
ده‌سوتێ خه‌ڵك له‌به‌ر ته‌ئسیری تیمسال

لوڕی :
منم ئان ئاجرین مرغی كه‌فی الحال
بسوجه‌م عاله‌می گه‌ر به‌ر زه‌نه‌م بال
مصور گه‌ر كه‌شه‌د نقشم به‌ دیــــــوار
بسوجه‌م عاله‌م أز تأثيرى تمـــــــــثال

(بابا تاهیری هه‌مه‌دانی)

Writing at: 3 / 11 / 1390برچسب:منم ئه‌و ئـاگــرین ته‌یره‌ی كــه‌ ده‌ر حـــاڵ, بابا تایه‌ری هه‌مه‌دانی, شێعر کوردی,

Time: By: محمد پیش بینی| |

وەرن ئــەی دڵــســوتـــاوان تـا بـنـالیـن

مامۆستا أحمد دلزار كردوویه‌تی به‌ سۆرانی
لوری:
بــورە ســووتــە دڵان تــا مــا بـنـالــیـم
زو دەســتــی یــاری بــی پەروا بنالیم
بــشــم بـا بلبلی شەیدا بە گولشەن
ئــەگــەر بــلــبــل نــە نـــالـــە مـا بنالم
سۆرانی:
وەرن ئــەی دڵــســوتـــاوان تـا بـنـالیـن
لــە دەســت یــاری بــێ پــەروا بنالیـن
لە بۆ لای بولبولی شەیدا لە گوڵشەن
بــچــیـن بـولـبـول نـەنـاڵـێ بـا بـنـاڵـین

بابا تایه‌ری هه‌مه‌دانی

Writing at: 3 / 11 / 1390برچسب:وەرن ئــەی دڵــســوتـــاوان تـا بـنـالیـن, مامۆستا أحمد دلزار, بابا تایه‌ری هه‌مه‌دانی, شێعر کوردی,

Time: By: محمد پیش بینی| |

صفحه قبل 1 ... 3 4 5 6 7 ... 11 صفحه بعد