::بیدی مه‌جنونه‌ وجودم له‌ هه‌مو به‌ر به‌رییه‌::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

بیدی مه‌جنونه‌ وجودم له‌ هه‌مو به‌ر به‌رییه‌

بیدی مه‌جنونه‌ وجودم له‌ هه‌مو به‌ر به‌رییه‌
نه‌ که‌سێ مونته‌فیعی یه‌ك به‌ری یا سێبه‌رییه‌
چیت له‌ کاکۆڵی سه‌ر و مۆیی میانی داوه‌؟
هه‌موو هه‌ر هه‌مم و په‌رێشانی یو ده‌ردی سه‌رییه‌
به‌ڕیا باری ته‌کالیفی ڕوسومی بۆ خه‌ڵق
چ ده‌کێشێ ؟ ئه‌مه‌ حومقێکه‌ عه‌لاوه‌ی که‌رییه‌
موطمه‌ئین خاطر وئه‌یمه‌ن مه‌به‌ هه‌رگیز له‌ شه‌ڕی
نه‌فسی ئه‌مماره‌ ، که‌ ئه‌م ماره‌ له‌گه‌ڵ تۆ شه‌ڕییه‌
لۆمه‌یی ((نالی)) دێوانه‌ مه‌که‌ن ئه‌ی عوقلا!
ئه‌مه‌ موددێکه‌ زه‌ده‌ی له‌ طمه‌یی ده‌ستی په‌رییه‌

Writing at: 9 / 12 / 1390برچسب:شێعر کوردی,نالی,

Time: By: محمد پیش بینی| |

خه‌رمانه‌

چ سڕێکت له‌ ناودڵدا، حه‌شارداوه‌ به‌ په‌نهانی
که‌ چاوت چه‌شنی ئاوێنه‌ وه‌هابێ په‌رده‌ درکانی
ئه‌زانم دڵ هه‌ییه‌، وه‌ک مس،که‌ ژه‌نگ دێنێ به‌ئاسانی
دڵی تۆ زێڕی تێزابه‌ له‌ کوێوه‌ ژه‌نگی هه‌ڵهانی؟
ئه‌مانه‌ گه‌رچی تێناگه‌م، به‌ڵام پێویسته‌ بیزانی
هه‌تا ماوم له‌ دنیادا، فریشته‌ی باخی ئاواتم
به‌دڵ هه‌رچه‌شنی خه‌رمانه‌، به‌ ده‌وری باڵاتم

Writing at: 9 / 12 / 1390برچسب:شێعر کوردی,ئەحمەد هەردی,خه‌رمانه‌,

Time: By: محمد پیش بینی| |

به غه مزه ی چاوی مه خموری سیاهی مه ستی مه ی کردم

به ماچی لێوی موسته غنی لە ئه نواعی مه ز ه ی کردم

ترازا به ندی سو خمه ی ئالئ گوڵناری به ئا هی من

که چی ده ستی له سه ر دا نا له سه یری باغی به ی کردم

بە هە وری پە ر چە م و زولفی ڕوخ و ئە برۆی کە داپۆشی

لە شە وقی ڕوئیە تی بە در و هیلالی یه ك شە و ه ی کردم

ئە گە ر چی کو شتمی خو قابیض و لئە رواحی موژگانی

بە قانونی مەسیحایی بە خند ه ی لێوی حه ی کردم

بە عینوانی حە یا طوغرا میسالی زولفە کە ی پوشی

لە کە سپی شێو ە خطط و طوررەیی شاهانە کە ی کردم

گوناهی من نه بوو زاهید که مه یلم دا بە بتخانە

هه موو تاوانی دڵ بوو عاشقی تە رسا پە چە ی کردم

کە ناری ئاو کە نارم بوو قەدی سە روی چنارم بوو

لە سە ر چی بوو بە ئاڵۆزی لە سە یری نار و بە ی کردم

شکاتی زه خمی دڵ (ناری) لە طاهیر بە گ تە مە ننا کە

بڵێ ئە مڕۆ گوڵ ئە ندامئ بە تیرئ جە رگی پە ی کردم

نـــــارى

Writing at: 5 / 12 / 1390برچسب:شێعر کوردی,ناری,به غه مزه ی چاوی مه خموری سیاهی مه ستی مه ی کردم,

Time: By: محمد پیش بینی| |

چاوه‌که‌م دوور بێ له‌ ڕووت چاوه‌کانم ژان ئه‌که‌ن

چاوه‌که‌م دوور بێ له‌ ڕووت چاوه‌کانم ژان ئه‌که‌ن
هه‌ر له‌ سورمه‌ر خاکی ڕێگات ئاره‌زووی ده‌رمان ئه‌که‌ن

یه‌عنی ئاوی دیده‌کانی من له‌ دورریی قامه‌تت
وا به‌ خور دێن هه‌ر له‌ نه‌هری (تانجه‌ر) و (سیروان) ئه‌که‌ن

په‌رجه‌م و لێو و ده‌می شیرینی یاری نازه‌نین
هه‌ر له‌ زوڵمات و له‌ ئاوی چه‌شمه‌یی حه‌یوان ئه‌که‌ن

جانفیدای ئه‌و ده‌لبه‌رانه‌م وا به‌ خه‌ندی لێویان
بێ موداوا زامی قه‌لبی عاشقان ده‌رمان ئه‌که‌ن

ئه‌و که‌سانه‌ی خادیمی ده‌رگای نیگارن دایما !
گاڵته‌و و سوبحه‌ت به‌ ته‌ختی قه‌یسه‌ر و خاقان ئه‌که‌ن

لاده‌ شاعیر ! تۆ له‌ باسی عه‌شقبازی و سه‌یری که‌
چۆن خه‌ریکن چه‌ند که‌سێ ئێستا وه‌ته‌ن وێران ئه‌که‌ن !

جاهیلان بۆ ئیستیفاده‌ی زاتی خۆیان ڕۆژ و شه‌و
له‌م موحیطه‌ مه‌نعی عیلم و سنعه‌ت و عیرفان ئه‌که‌ن

ڕووڕه‌شی دنیا و قیامه‌ت ئه‌و نه‌فامانه‌ که‌وا
هه‌جوی قه‌وم و میلله‌ت تی خۆیان به‌ پاره‌ و نان ئه‌که‌ن

ئاسمان ئێستا وه‌ها چه‌رخاوه‌ جاهیل غاڵبه‌
گوربه‌وو ڕێوی خه‌یاڵی مه‌رتبه‌ی ێران ئه‌که‌ن

چه‌ند که‌سێکی تازه‌ پیاکه‌وتوو له‌ کووره‌ ده‌رچوون
پیاو که‌ چوو بۆ ئیش له‌ پێشا یوقله‌مه‌ی گیرفا ئه‌که‌ن

خه‌ڵقه‌ به‌ عزێ که‌س له‌ ئینسانی چی یان دیوه‌ زه‌ره‌ر
وا هه‌میشه‌ مه‌شقی وه‌حشی و په‌یڕه‌وی حه‌یوان ئه‌که‌ن ؟

-ئه‌حمه‌د موختار جاف

Writing at: 28 / 11 / 1390برچسب:چاوه‌که‌م دوور بێ له‌ ڕووت چاوه‌کانم ژان ئه‌که‌ن,شێعر کوردی,ئەحمەد به‌گی جاف,

Time: By: محمد پیش بینی| |

خاك

خاك

بۆت نووسیوم بۆت بنووسم ئه‌من چیم؟
دوندی قه‌ندیل، گۆڕه‌پانی هه‌ڵگورد نیم
به‌ره‌و به‌رزایی ده‌چــــم گــــه‌رچی وردم
خاكــــی به‌رپێی تێكۆشـه‌رێكی كـــــوردم

مامۆستا هێمن موکریانی

Writing at: 28 / 11 / 1390برچسب:خاك,هێمن,شێعر کوردی,

Time: By: محمد پیش بینی| |

گوڵ و غونچەی بەهارانیش لە تۆ نەشمیلەتر نابێ ، علی عارف ئاغا

نەمامی عەرعەری کۆرپەش لە تۆ خنجیلەتر نابێ
لە عالەمدا لە تۆ چاتر، لە تۆ مەحبوب و شیرینتر
ئەگەر دەعواچیەک مابێ، درۆ ناکا دەسا با بێ
دەسا با بێن بەصەف یەکسەر هەموو چاومەست و گوڵ‌ڕومەت
با بزانن چۆن ئەبێ مەحجوب، ئەوی وا لافی لێدابێ
درۆیە تۆلە ئینسان بی، ئەمە عەقڵم قبوڵ ناکا
پەریش حەدی نییە وا بێ، ئەبەد حۆریش بە تۆ نابێ
کەوابوو تۆ لە شوعلەی نووری پاکی صونعی یەزدانی
ئەبێ جێگای ئەصلیشت عەتارید یا ‌‌‌‌‌ثریا بێ
بتی تۆ، ئەتپەرستم من عیبادەت بۆ کەسێک ناکەم
ئەگەر چی ئاگری جوملەی جەهەننەم بۆم لە کارا بێ
ئەوا سوتام، گڕم تێ بەربوو گیانە بمگەرێ تو خوا
بە ماچی تۆ نەبێ وأللە برینی من دەوا نابێ
بە لەنجە و ناز و غەمزە و عیشوەی ڕەفتار و گوفتارت
هەزاران فیتنەها ناحەق نییە گەر بێت و بەرپا بێ
بەلامانا کە نایەی باکی قەهری خوات نییە ظالم
زەمانە هەر وەها نابێ هەتا چەند ساڵی باوابێ

Writing at: 28 / 11 / 1390برچسب:گوڵ و غونچەی بەهارانیش لە تۆ نەشمیلەتر نابێ , علی عارف ئاغا,شێعر کوردی,

Time: By: محمد پیش بینی| |

ئـــه‌ی ئه‌و که‌سه‌ی ده‌تپه‌رستم و لێـم ونی

ئـــه‌ی ئه‌و که‌سه‌ی ده‌تپه‌رستم و لێـم ونی
تۆ خــــودا نی، تـــــۆ خۆشه‌ویستی منی
له‌ ئاســــمان نی تا وێت رانه‌گــا ده‌ستم
له‌ قاف نی کاڵـــه‌ی ئاسنت بۆ هه‌ڵبه‌ستم
تۆی له‌ من ون کرد و منی له‌ تـۆ دوور
ئه‌و بستۆکه‌ی دوژمــن ناوی نا سنـوور

Writing at: 27 / 11 / 1390برچسب:هێمن,شێعرکوردی,

Time: By: محمد پیش بینی| |

له و غوربه ته شیعرم نوسیوه

له و غوربه ته شیعرم نوسیوه

له تو جووانترم هه رگیز نه دیوه

هه ر له و غوربه ته ده ی نوسمه وه

له خودام داوا یه بت بینمه وه

Writing at: 27 / 11 / 1390برچسب:شێعر کوردی,

Time: By: محمد پیش بینی| |

گوڵی خوێناوی

کوڕ:
بڕوانە،شایی یە،چۆپی یە،لەو ماڵە
گوێ بگرە!زوڕنایە،دەهۆڵە،شمشاڵە
زەرد و سوور تێکەڵ بوون،ژن و پیاو هەرایە
لەوناوە هەر هاڕەی هەیاسەی تۆ نایە
ساتوخوا خێراکە بابڕۆین دەست بگرین
بەکامی دڵداری پێکەوە هەڵپەڕین
کچ:
گوڵ نەبێ بۆ سەرم:ئاڵ چەپکێ،زەرد چەپکێ
نایەم بۆ زەماوەن،نایەم بۆ هەڵپەڕکێ!
کوڕ:
کچ لەڕێی جوانیتا،کچ لەڕێی جوانیتا
کچ لەڕێی نێونیگای هاتوچۆی کانیتا
پایزە گەڵای دار ڕژاوە باغ ڕووتە
گووڵ کوانێ گوڵ لێوی بەبزە پشکووتە!
کچ:
گوڵ نەبێ بۆ سەرم:زەرد چەپکێ،ئاڵ چەپکێ
نایەم بۆ زەماوەن،نایەم بۆ هەڵپەڕکێ!
بتدایە دڵ بەمن بە هەموو مەعناوە
دوو چەپکت ئەهانی لە باغچەی پاشاوە
کوڕ(ئەڕوا لەبەرخۆیەوە بە گۆرانی ئەڵێ):
باغچەی پاشا لەوبەر ئاوە
خێڵی دوشمن دەوری داوە
ئەڕۆم:ڕێگام لێ گیراوە
ناڕۆم:چاوکاڵ لێم تۆراوە!
کوڕ:
بە باغچەی پاشادا ورد گەڕام،خوار و ژوور
زەرد هەبوو بۆم چنیت،چنگ نەکەوت گوڵی سوور
کچ:نایەم،گوڵ ماویەتی بۆ سەرم سوور چەپکێ!
کوڕ(یەخەی مراخانی ترازان):
ناتەوێ ئەم زامی سەر دڵەم لەباتی!
کچ:
ئەی هاوار!تفەنگی دوشمنیش پێکاتی؟
ڕاکشێ تاوێ سەر بنێرە سەر ڕانم
بابگریم بۆ دڵێ،بۆ گوڵێ دۆڕانم!

(گۆران)

Writing at: 24 / 11 / 1390برچسب:گوڵی خوێناوی,گۆران,شێعر کوردی,

Time: By: محمد پیش بینی| |

ده روونم پڕ‌كه باب و ده رده بێ‌تۆ-نالی

ده روونم پڕ‌كه باب و ده رده بێ‌تۆ
دڵم گه رمه و هه ناسه م سه رده بێ تۆ
خه ریكی شه ش ده ری هات و نه هاتم
خه لاسیم قه ت نییه له م نه رده بێ تۆ
لیباسم ماته مه، شینه،‌له شیندام
سوروشكم سووره، ڕه نگم زه رده بێ تۆ
عه زیزم دڵ ره قه و ، خۆم فه رد و ته نهام
ده ترسم بمكوژێ ئه م ده رده بێ تۆ
به بێ‌دیداری تۆ خۆ لاڵه " نالی"
عه جه ب هه ستاوه ئه م چه ن فه رده بێ تۆ!
نالی

Writing at: 24 / 11 / 1390برچسب:نالی,شێعر کوردی,,

Time: By: محمد پیش بینی| |

وەکو نەی کون کونە جەرگم، لە تاو هیجرانی تۆ بۆیە-وەفایی

وەکو نەی کون کونە جەرگم، لە تاو هیجرانی تۆ بۆیە

بە سۆزی نەی دەسوتێم و بە نەغمەی نەی دەناڵێنم

ئه‌مان ئه‌ی موتیبی مه‌جلیس به‌حه‌ققی تاری رووحانیی

بڵا بێ نه‌غمه‌که‌ی سازت، که‌ئاوی ئاوری هیجرانه‌

ئه‌تۆ ئه‌ی رووحه‌که‌م ساقی،ئه‌ی تۆ ئه‌ی عومره‌که‌م موتریب

په‌یاپه‌ی لێده‌ چه‌نگ و نه‌ی، ده‌ماده‌م بێنه‌ په‌یمانه‌

به‌تیری غه‌مزه‌ی بملاوێنه‌وه ‌زوڵم له‌گه‌رده‌ن که‌

به‌سه‌ر هاتومه‌ مه‌یدانت، به‌دڵ بۆت بووم به‌ نیشانه

وەفایی

Writing at: 23 / 11 / 1390برچسب:شێعر کوردی,وەفایی,وەکو نەی کون کونە جەرگم, لە تاو هیجرانی تۆ بۆیە,

Time: By: محمد پیش بینی| |

له‌ کونجی بێ که‌سیدا فه‌ردم ئه‌مڕۆ-ماموستا کوردی

له‌ کونجی بێ که‌سیدا فه‌ردم ئه‌مڕۆ
زه‌لیل و زار و بێ هاوده‌ردم ئه‌مڕۆ

......گه‌واهی لافی عیشقی تۆیه‌ قوربان
سروشکی سوور و ره‌نگی زه‌ردم ئه‌مڕۆ

له‌ سۆزی عیشقی سه‌ردی میهری تۆیه‌
ده‌روون گه‌رم و هه‌ناسه‌ سه‌ردم ئه‌مڕۆ

وه‌کوو ته‌یرێکی گوم بووبێ جه‌ناحی
هێلانه‌واز و هه‌رداوهه‌ردم ئه‌مڕۆ

مه‌گه‌ر سۆزه‌ی نه‌سیمی وه‌سڵی ئه‌و بێ
موحه‌تته‌ر کا دڵه‌ی پڕ ده‌ردم ئه‌مڕۆ

له‌ عه‌رسه‌ی وه‌سفی ئه‌و مه‌حبوبه‌ له‌نگه‌
خه‌یاڵی وه‌ک سواری جه‌ردم ئه‌مڕۆ

له‌ بۆ وه‌سڵی جه‌مالی یاری کوردی
ئه‌گه‌ر رۆحم نه‌ده‌م نامه‌ردم ئه‌مرۆ

مسته‌فا به‌گی ساحێبقڕان(کوردی)

Writing at: 23 / 11 / 1390برچسب:شێعر کوردی,له‌ کونجی بێ که‌سیدا فه‌ردم ئه‌مڕۆ,ماموستا کوردی,

Time: By: محمد پیش بینی| |

چه‌پگه‌ڕی‌ گه‌ردوون گه‌ڕان كوشتمی‌-هه‌ژار

چه‌پگه‌ڕی‌ گه‌ردوون گه‌ڕان كوشتمی‌
نــه‌زان پــه‌رسـتیی‌ بـۆ نـان كـوشـتـمی‌
هــه‌ر چـه‌وســانــه‌وه‌ی‌ بــێ‌ حـه‌ســانــه‌وه‌
ئــه‌ی‌ مـردن لـه‌كوێـی‌ ژیـان كوشتـمی
هه‌ژار

Writing at: 23 / 11 / 1390برچسب:مامۆستا هه‌ژار,شێعر کوردی,

Time: By: محمد پیش بینی| |

ماهی من-نالی

ماهی من

تا له‌ من ئه‌و زوڵفه‌ ڕێی بۆسه‌ و که‌ناری گرتووه‌
ناو ده‌مم بێ شوبهه‌ تامی زه‌هری ماری گرتووه‌

خۆش له‌سه‌ر سینه‌ی سه‌ری هه‌ڵداوه‌ دوو گۆی سه‌ر به‌ مۆر
مات و حه‌یرانم که‌ عه‌رعه‌ر که‌ی هه‌ناری گرتووه‌!

ئه‌ژده‌های زوڵفی له‌ ده‌وری گه‌نجی حوسنی حاریسه‌
حه‌ڵقه‌ حه‌ڵقه‌، چین به‌ چین، سه‌ر تا به‌ خواری گرتووه‌

ماهی من ته‌نها مه‌هێکه‌ صه‌د نوجوومی مه‌حو کرد
یاری من ته‌نها گوڵێکه‌ صه‌د هه‌زاری گرتووه‌

دامه‌نی پاکی مه‌داری دائیره‌ی خامه‌ک نییه‌
خوێنی مه‌قتولانه‌ وا دامێنی یاری گرتووه‌

گه‌رد و بادی هیجری تۆ وا عاله‌می لێ کردمه‌ تۆز
نه‌ک دوو چاوم، به‌ڵکه‌ حه‌تتا دڵ غوباری گرتووه‌

شه‌ربه‌تی عوننابی لێوی شه‌ککه‌ر و بادامی چاو،
سه‌روی قه‌ددت ڕاسته‌ ئه‌نواعی ثیماری گرتووه‌

له‌علی شه‌ککه‌رباری تۆ تێراوه‌، شه‌ککه‌ر باریه‌
لێوی میحنه‌ت‌باری من بێ ئاوه‌، باری گرتووه‌

پڕجه‌فایه‌، بێ وه‌فایه‌، زود جه‌نگه‌، دێر صوڵح
صه‌د درێخ و حه‌یفه‌ طه‌بعی ڕۆزگاری گرتووه‌

یادی (کانی دمدم) و سه‌رچاوه‌که‌ی (مێگوڕ) ده‌کا
(به‌کره‌جۆ)ی چاوم که‌ شێوه‌ی (سه‌رچنار)ی گرتووه‌

بێ مه‌حابا ئاو ده‌ڕێژێ گه‌ھ به‌ فه‌ور و گه‌ھ به‌ ده‌ور
چاوی من موددێکه‌ شێوه‌ی ئابشاری گرتووه‌

شه‌معی به‌زمی من که‌وا سوتاوه‌، زه‌رد و ئه‌شک ڕێژ
قه‌ت نییه‌ فه‌ردێک نه‌ڵێ ڕه‌نگی مه‌زاری گرتووه‌

مودده‌عی زه‌جرم ده‌کات و، پێم ده‌ڵێ: صه‌برت ببێ
که‌ر به‌ له‌عنه‌ت بێ که‌ که‌ی عاشق قه‌راری گرتووه‌!

(نالی) وا دائیم که‌ مه‌شغوڵی فوغان و ناڵه‌یه‌
باعیثی هیجرانی یاره‌ دڵ شه‌راری گرتووه‌

نالی

Writing at: 23 / 11 / 1390برچسب:نالی,شێعر کوردی,ماهی من,

Time: By: محمد پیش بینی| |

تاوانی بێ هێزی

تاوانی بێ هێزی

له‌ کۆ ئه‌سرین ده‌بارێنم له‌بۆ کوردی په‌راکه‌نده‌
له‌ گه‌رمێن غه‌رقی ئاره‌ق بووم و چاوم هه‌ر له‌ سامڕه‌نده‌

منی زنجیر پسێن لێره‌ ئه‌سیری بسکی جوانێکم
زه‌مانه‌ گه‌رچی ئاڵۆز و په‌شێوه‌، که‌ڵ به‌ موو به‌نده‌

گوتی : ئێواره‌ بازاڕێ وه‌ره‌ ماچت ده‌مێ، نه‌مویست
هه‌ڵۆی کوێستانی کوردستانم و ناژیم به‌ ده‌سته‌نده‌

دڵم سه‌د هێندی دیکانه‌ به‌ ناز بشکێنی ، ده‌نگ ناکه‌م
چ سوودێکی هه‌یه‌ ، کێ یه‌ بپرسێ داد و گازنده‌ !؟

جیهان و هه‌رچی خێر و خۆشی یه‌ بۆ هه‌ڵبژاردانه‌
به‌ قانوونی ته‌بیعه‌ت پاشه‌رۆکخۆره‌ ئه‌وی گه‌نده‌

ئه‌گه‌ر تاوانی بێ هێزی نی یه‌ بۆچی له‌ دنیا دا
به‌شی من ماته‌م و شینه‌، به‌شی خه‌ڵکی زه‌ماوه‌نده‌ ؟

به‌ مردووییش نیشانه‌ی گولله‌یه‌ ئه‌و که‌لله‌ پڕ شۆره‌
ئه‌وێستاش ده‌رسی سه‌ربازی ده‌ڵێ ئه‌و شاعیره‌ ڕه‌نده‌

سه‌ری ته‌عزیم له‌به‌ر تۆ دانه‌واندن فه‌خره‌ بۆ هێمن
بژی حاجی که‌ کێوی هیمه‌تت سه‌د هێندی ئه‌لوه‌نده‌

هیمن

Writing at: 23 / 11 / 1390برچسب:هێمن,شێعر کوردی,تاوانی بێ هێزی,

Time: By: محمد پیش بینی| |

من و پنجێک گیا

هەموو جارێ ،

کە بەهار دێ ،

بە دیار پنجێک گیای سەوزەوە

بە ئەسپایی هەڵدەتروشکێم.

سەرنج دەدەم

گەڵاکانی پاراوترن لە ساڵی پار .

دەحەپەسێم !

چما منیش پنجێک گیا نیم ؟

ئەدی بۆچی

ساڵەو ساڵ، بەهارەو بەهار ،

سەوزاییەکەم دادەمرکێ و

زێتر دەکشێم بەرەو کەنار ؟

عەبدوڵا پەشێو

Writing at: 22 / 11 / 1390برچسب:عەبدوڵا پەشێو,شێعر,کوردی,من و پنجێک گیا,

Time: By: محمد پیش بینی| |

لەودەمەی دا/ مامۆستا هێمن

لەودەمەی دا/ مامۆستا هێمن

لەو دەمەیدا پیاڵــــە دەدرێن لـــە پیاڵە
لەو دەمەیدا لێــــــوتان بەبادە ئاڵـــــــە
لەو دەمەیدا کــۆڕی شادی دەبەستــــن
لەو دەمەیدا سەرخۆش‌ومەستی مەستن
لەو دەمەیدا کە دەگــــرن بەز و گــەروان
لەو دەمەیدا دەست دەگێـــڕن لە بەروان
لەو دەمەیدا دەست لە بەژنان وەردێنــن
لەو دەمەیدا بەرکۆژە دەتـــــــــرازێنن

لەو دەمەیدا گەڕی ڕەشبەڵەک گەرمە
لەو دەمەیدا دەگوشن کام پەنجە نەرمە
لەو دەمەیدا دۆ دەکەونە خۆ ڕانان
لەو دەمەیدا کە دە گوشن کوڵمەی ڕانان
لەو دەمەیدا تامەزرۆن لە ژێژوانان
لەو دەمەیدا بە خۆوە دەگوشن جوانان
لەو دەمەیدا گڕ دەگرێ مەیلە و تاسە
لەو دەمەیدا تێک هەڵدەنگ بون هەناسە
لەو دەمەیدا کە دەمژن شەکرە لێوان
لەو دەمەیدا نەبێ لەمپەر و نێوان
لەو دەمەیدا پۆلی بێریان ڕادەبرن
لەو دەمەیدا کیژ چاوتان لێ دادەگرن
لەو دەمەیدا گوێ هەڵدەخەن بۆ تارێ
لەو دەمەیدا ماملێ دەڵی قەتارێ
یادم بکەن یادی منی دوور وڵات
یادی منی ڕێبواری ڕیگەی خەبات
یادی منی بێبەش لەخۆشی و شادی
یادی منی سەودا سەری ئازادی

Writing at: 22 / 11 / 1390برچسب:هێمن,شێعرکوردی,لەودەمەی دا,

Time: By: محمد پیش بینی| |

لەبەر دەرگە... عه دنان که ریم

لەبەر دەرگە...

دەرگەكەتم لێ بكەوە
ھەر دڵدارەكەی جارانم
ھەر كێڵگەكەی بەر دەرگەتم
ھەر تینوەكەی بەر كڕێوە و باو بارانم
~~~~~~ ~~~~~~
دەرگەكەتم لێ بكەوە...
من ئەو كەسەم تا دوێنێ بو
لە ناو گەروی روناكیدا دەتشاردمەوە
لە ناو جامی مەترسیدا دەتخواردمەوە
~~~~~~ ~~~~~~
دەرگەكەتم لێ بكەوە كفت و ماندوی رێگەی دورم
وەكو جاران كەمێك لەلات دەمێنمەوەو ڕادەبورم

عه دنان که ریم **

Writing at: 19 / 11 / 1390برچسب:شێعر کوردی,عه دنان که ریم,لەبەر دەرگە,

Time: By: محمد پیش بینی| |

گریانی نیوەشەو-مامۆستا هێمن موکریانی

گریانی نیوەشەو

شه‌وانه‌ ئه‌و ده‌مانه‌ی شه‌و ده‌گاته‌ کاتی نیوه‌ی شه‌و

خه‌ڵک نوستوون، له‌ چاوی من که‌سه‌ر دیسان ڕه‌واندی خه‌و

سکووتێکی به‌سام سه‌رتاسه‌ری ئه‌م دێیه‌ داده‌گرێ

ده‌ڵێی هه‌ر زینده‌وارێکی هه‌یه‌ له‌و دێیه‌دا ده‌مرێ

له‌ هیچ لا خشپه‌یه‌ک نایه‌، چرای ماڵێکی ناییسێ

به‌ ئه‌سپایی له‌ ماڵ دێمه‌ ده‌رێ ده‌خوشم وه‌کو نیسێ

ته‌ک و ته‌نیا به‌ ئارامی ده‌چم بۆ گرده‌که‌ی به‌ر دێ

به‌ دڵته‌نگی و کز و خه‌مناکی ڕاده‌کشێم له‌سه‌ر به‌ردێ

ده‌که‌م جا سه‌یری ئه‌ستێران و هه‌ڵده‌مژم شنه‌ی شه‌وبا

شه‌و و بێده‌نگی چه‌ند خۆشه‌، هه‌میشه‌ خۆزگه‌ هه‌ر شه‌و با

وه‌کو ئاواڵی چاک ئه‌ستێره‌کان گوێ ڕاده‌دێرن بۆم

هه‌تا بۆیان به‌یان که‌م موو به‌ موو ڕازی ده‌روونی خۆم

کوڵم هه‌ڵده‌ستێ ئه‌وجاره‌ و له‌ به‌ر ده‌ردم ده‌ناڵێنم

هه‌تا ئاوری دڵم ده‌کوژێته‌وه‌ ئه‌سرین ده‌بارێنم

شه‌وانه‌ گه‌ر نه‌که‌م ئه‌و شیوه‌ن و ناڵین و گریانه‌

ده‌سووتێنێ وجودم ئاگری ئه‌م جه‌رگه‌ بریانه‌

به‌ڵێ گریانی نیوه‌ی شه‌و ده‌کا ناسۆڕی دڵ مه‌رهه‌م

کوڵ و کۆم داده‌مرکێنێ و به‌جێ دێڵێ دڵی من خه‌م

مامۆستا هێمن موکریانی

Writing at: 19 / 11 / 1390برچسب:هێمن,شێعرکوردی,گریانی نیوەشەو,

Time: By: محمد پیش بینی| |

تۆم هه‌ر له‌ بیره‌

‌له‌ شایی دا له‌ وه‌ختی هه‌ڵپه‌ڕین دا

له‌ خۆشی دا له‌ کاتی پێکه‌نین دا

له‌ کۆڕی ماته‌م و گریان و شین دا